طلبات الرجال بجميع حروف الهجاء(ماعليهم شرهه تماسيح)

أأ*أنابروح معزوم دوري أحد أخوانك يوديك .!!

ب*باكر باطلع للبر جهزي لي العدة.!!

ت* تبغون شي كلموني جوال باروح الاستراحة.!!

ث*ثوبي مبقع من زيت السيارة ،أبيه يرد جديد.!!

ج*جيبي غدانا ألحين (الساعة توها 12)وراي شغل ضروري====>بيطلع يشوف المباراة.!!

ح*حبيبتي تامرين على شي..!!(كلام آخر الشهر، زوجته موظفة).

خ*خففي مكالماتك شوي الفاتورة كثيرة.!!

د*دفعت فاتورة المويه،وعليك التلفون،والكهرب،واشتراك الستالايت.!!( والله عااادل).

ذ*ذيك المرةوديتكم تمشون،ما كفأكم.!(من خمس سنين هالكلام،وهو كل سنة يسافر.!!)

ر*راصتني سنة عند الباب،والله لو سويتيها مرة ثانية بامشي ودوري احد يجيبك.!( جاي قبل الوقت بنصف ساعة).!

ز*زي كل سنة ،العيد عند أهلك،أنا مواعد الربع.!

س*سلفيني واردهم آخر الشهر.!

ش*شدي حيلك فطور الربع عندي باكر.(هي موظلفة وتطلع الساعة ثلاث .!!!)

ص*صار لي ساعة أنادي وينك.!( توه ناداها مرتين).

ض*ضاعت أوراق المستشفى حقت الولد،سبحان من لا يضيع شي.( ولو انها مضيعتهم كان ضيع علومها معهن.)

ط*طالت وشمخت كل يوم طالعة للسوق.!(من الصيف الماضي ما شافت دربه)

ظ*ظهر الولد يحكه،أكييييييد من السنة الفايته ماتروش,!(أمس كان يخانقها لا تروشينه كل يوم ،الجو برد عليه.!)

ع*عطيني بطاقتك،باتقضى للبيت الفواتير خلصت على الراتب.!(أي فواتير.؟!! راجع حرف الدال.!)

غ*غلوا سعر البانزين،خففي مشاويرك شوي,!( ما تجي ربع مشاويره)

ف*فلة جارنا عارضها للبيع، أجمعي خلينا نشتريها.!!!!

ق*قطري في أذنه من قطرة عيونه ،الين أفرغ أوديه المستشفى.!( الله أكبر يا مهام الدنيا اللي وراه)

ك*كلمتي أخوك يواعد السباك يجينا بكرة،أو نسيتي.( مدري هذا من شغله.)

ل* لبيه ،وش تبين.!( مضيع العنوان.!!)

م* ما شاء الله ،وش هالطبخ الزين.!! ( بيعزم أمة محمد ويساحلها عشان ماتقول الطبٌق الرئيسي من بره.!)

ن*نسييييييييييت والله أنك قلتي لي أتقضى للبيت.!!( الله ما أكثر نسيانك)

ه* هونت أجدد فرش البيت ،مامعي سيولة.!!( سيووووولة،أش دعوى ومتى صار عندك .!!)

و* وريني شطارتك و كفخي عيال أخوانك إذا كفخوا عيالك.!!( يحب الشر.)

ي*ياكثر صجتك، أروح الاستراحة أبرك لي.!

* هونت أجدد فرش البيت ،مامعي سيولة.!!( سيووووولة،أش دعوى ومتى صار عندك .!!)
وانتم يالسحالي تبون كل سنه تغيرون اجل حنا التماسيح معذورين ولا وشرايك
على العموم ماقصرتي وتقبلي مروري