امي توفت ورحلت وزادت احزاني!

[color=brown]

--------------------------------------------------------------------------------

بيني وبين الحزن قصه تعانق اشجاني
بيني و بين الحزن عشره ما هي قليله
من جيت للدنيا وانا مخاوي احزانـــي
كل شي فقدته يالعرب ما في يدي حيله
امي توفت وارحلت وزادت احزانـــــــــي
شفت الحزن شفت العذاب من هو اشكي له
وللي فقـد امـه ما عنده اخوانـــــــــــي
لا عم ولا خال يجيني ولا اجي لـــــــــــــه
لي عم لكن كل ما جـيله تفادانــــــــي
ولــــــي خال لكــــن بعيــــــده مواجيبـــــه
عشته اتباحث عن امومه تضم وجدانـــــــــــي
واقول يـا يمــه انـــا ولــــــدك تـــــعالي لـــــــه
عشت اليتيم اللي صرخ فاقد اعوانــــــــــــــــي
قضيت حالي في بيت ابوي مخاوي جدرانــــــــي
احـاكي نفســــــــي مع زوايا البـــيت وابـكي لــــه
اناظر امي في صورة" و اقول اه محتاجـــــــــي
اه يا ليــت ادفنـــــــــوني قبـــلك بليــــــــله
عشت بعد امي لحالي وحدانــــــــــــــــــي
اخــاوي جدران الحــزن و اشـــــوف تحــــليــله
واصرخ بعالي الصوت اقول ياليت لي اخوانـــــي
ارعاهـم ويرعون قلبي اللــــي صرخ ويلــــــــــه
عشت بسواد الوحده والخير بوجه جيرانـــــي
الـــلي انصفوني بلقــــمة العــــيشه و تمويلـــــه
من زود حزني قضيت ليالي سهرانـــــــــــــــي
اكتــــب من اشعــــار الرثا مرثيه اطويــــــــــــله
وليا احد ناظر عيوني قال مرضانــــــــــــــــــي
نــاس تــــــقول مسكــــــين وناس تقول يا حليـــــــــله
زهرة شبابي اذبلت من كثر ما جانــــــــــــــــــــي
ما غير حزني اللي يعزيـــــــــني و اعزي لــــــــــه
وما لي غير الحزن خاويته و خاوانـــــــــــــي
بيـــــني و بين الحزن عشره واللة طويلـــــــــــــه

[/color]

مشكوورررر أخوي قيصر على هالابـــداع
والله لايحرمك من عزيز
والله لايحرمنا من جديدك
تقبل مرور المتواضع
أختك:.دق التحيـــه

مشكور أخوي القيصر وما قصرت ويعطيك العافيه على هالابداع الحلو
والله لا يحرمنا منك ومن جديدك يا رب
تقبل مروري المتواضع أخوك مجنون رابح